Эфсаневий джаз боразанджысы, Грэмми мукяфатынынъ алты дефа саиби Рэнди Брекер Koktebel Jazz Party фестивалинде Сергей Головнянынъ SG BIG BAND джаз оркестринен берабер чыкъышта булунаджакъ.
"Бу бизим фестивалимиз ичюн къоджаман, аджайип вакъиа. Бу джаз музыкасыны уйдурып чыкъкъан ве шекиллендиргенлерден биридир. О, аньаневий услюплерден гъайры, джазнынъ земаневий услюплерини де пек яхшы биле" — деп, къайд этти джаз чалгъыджысы, бестекяр ве аранжировкаджы, SG BIG BAND ансамблининъ ребери Сергей Головня.
Рэнди Брекер озь невбетинде Сергей Головня аджайип саксофонджы олгъаныны къайд этти ве онынъ ансамбли пек юксек севиеде чалмакъ кереклигинде эминлик бильдирди. «Мен бу чалгъыджыларнен музыка иджра этмек имкяным олгъанынен гъурурланам!» — деп, къайд этти Брекер.