Джаз ичюн — Кектебельге!

Коктебельде джазнынъ 17-нджи мевсими беш мейданда кечеджек

Коктебельде джазнынъ 17-нджи мевсими беш мейданда кечеджек

Koktebel Jazz Party- 2019 фестивалинде русиели ве халкъара иштиракчилернинъ чыкъышлары беш мейданда кечеджек. Бу сене аньаневий Эсас ве Волошин саналарына, Коктебельдеки аквапарк ве дельфинарийге даа бир мейдан къошуладжакъ — «Таврида-Арт» санасы. Зияретчилернинъ онъайтлыгъы ичюн  KJP сайтында эписи музыкаль мейданлар ве фестивальнинъ башкъа сервислери бельгиленген харита ерлештирильди.

Августнинъ 23-25 куньлери язлыкъ Коктебельнинъ эсас тедбиринде АКъШ, Япония, Сингапур, Френкистан, Алмания ве дигер мемлекетлерден онлардже коллектив чыкъышта булуджакъ.  Русиени Billy's Band, Snake Steak, Феликс Лахути ве онынъ UNIVERSALOVE коллективи, совет ве русиели джазынынъ белли гитараджысы Алексей Кузнецовнынъ ишитирагинен К.И.М.М. квартети такъдим этеджеклер. Бундан гъайры динълейджилерни «Голос. Дети» шоу йылдызы  Ярослава Дегтяреванынъ ве Самаралы джаз иджраджысы Сандра Фракенбергнинъ чыкъышлары беклей. Фестивальнинъ  русиели хедлайнерлери арасында- рок-йырджы ве чалгъыджы Юлия Чичерина.

Адетиндже Koktebel Jazz Party четэль иджраджыларынынъ адлары  онынъ ачылув куню такъдим этиледжек эм де сейирджилер ве Коктебельнинъ мусафирлери ичюн хош сюрприз оладжакъ. Фестивальнинъ сайтында  ве итимаий агъларында янъылыкъларны козетинъиз — лайнап джазнынъ къыйметини бильгенлерни къувандырыр.

KJP-2019 фестивалининъ энъ къызгъын девиринде, джума эртеси куню, августнынъ 24, онынъ мусафирлери, къырым волонтерлары ве ерли сакинлер
Коктебельнинъ энъ рагъбетли туристик ерлеринде чёплюк топлайджакълар. Эртафтаки муит къорчаланувы меселелерине дикъкъат джельп эткен экологик акция, KJP фестивали куньлери учюнджи йыл кечеджек, амма бойле кет-кете рагъбетлик къазангъан  плоггинг форматында — ильк сефер.
Бу чапувны ве чёплюк топлавны бирлештирген янъы арекеттир. Эр даим эгильмек, яни чёплюкни эгилип алмакъ ве кене де чапмакъ керек олгъаны себебинден, плоггинг адий чапувгъа бакъкъанда фаркълы идманларны такъдим эте.

Бундан гъайры, фестиваль кечирильген куньлер девамында KOKTEBEL JAZZ PARTY CUP 2019 адлы волейбол турнири кечеджек. Спорт тедбирлерде фестивальнинъ эписи зияретчилери иштирак эте биледжеклер.

Бунынъ ичюн "ВКонтакте" олар эвельден ичтимаий агъындаки группада я да тамам  волейбол мейданында къайд олунмакъ кереклер.

KJP-2019 "Россия сегодня" халкъара медиагруппа ве ВГТРК холдингининъ информацион къол тутувынен кече. Фестивальнинъ музыкаль ортагъы Радио JAZZ сайыла. Региональ ортакъ оларакъ ИД Собака Крым чалыша. Махсус ортакъ — «Смоленские Бриллианты» ширкети.  Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.

Koktebel Jazz Party — бу тек дюньявий севиеде джаз дегиль, бу акъикъий азатлыкъ, о, музыка, денъиз, вуджуд ве гонъюльнинъ екяне вибрациясыны догъура. Фестивальнинъ тешкилятчысы «Красный квадрат» адлы медиагруппа ола. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.