«Россия сегодня» халкъара информацион агентликнинъ генераль мудири Дмитрий Киселев 17-нджи Koktebel Jazz Party халкъара джаз фестивалини ачты. Ачылув мерасими кетишатында о, къайд этти ки, фестивальде, адет-узьре олгъаны киби, дюньянынъ энъ яхшы артистлери, атта «Грэмми» мукяфатынынъ лауреатлары чыкъышта булунаджакълар.
«Бизм шимди, адетиндже, постсовет девиринде энъ яхшы фестивальни яратаджамыз. Бу, адет-узьре, пек меракълы оладжакъ, бизде, адетиндже, дюньянынъ энъ яхшы артистлери, атта «Грэмми» мукяфатынынъ лауреатлары оладжакълар. Ве эр вакъыт олгъаны киби, бизим сейирджилеримиз пек мемнюн къаладжакъ», — деп, бильдирди Дмитрий Киселев.
О, эм де анълатты ки, четэль иджраджыларны эвельден илян этмедилер, «чюнки оларны эм Америкада, эм де Авропада такъип этип башлайлар».
«Амма эр кес биле, адетиндже бизде мешур ве парлакъ шахыслар ола. Чокътан-чокъ сагъ олунъыз! Ве, адет-узьре олгъаны киби, бизим сейирджилеримиз пек яхшы. Сагъ олунъыз, биз Коктебельде 17-нджи халкъара джаз фестивалини ачамыз!», — деп, илян этти Koktebel Jazz Party халкъара джаз фестивали тешкилий комитетининъ реиси.
Озь невбетинде Къырым ёлбашчысы Сергей Аксенов Дмитрий Киселевгъа фестиваль тешкиль этилюви ичюн тешеккюрлер бильдирди.
«Бу Къырым Джумхуриетининъ биринджи санлы халкъара медений тедбири. Эр кезни хайырламагъа истейим!», — деп, бильдирди Аксенов санадан.