Джаз музыкант Алексей Кузнецов хабер этти ки, Koktebel Jazz Party фестивалининъ сейирджилери ичюн уйдурылгъан оригиналь музыка янгъырайджакъ — бу "17 мгновений весны" кинофильминден "Мгновения" адлы аванынъ джаз интерпретациясы оладжакъ. К.И.М.М квартети августнынъ 23-нде фестивальнинъ эсас санасында чыкъышта булунаджакъ.
"Программа ритмик ве аэнкли. Не истесенъ, эр шей бар — эм тез, эм орта, эм яваш. Эм босанова, эм блюз. Эм оригиналь уйдурувлар, айры алда, "17 мгновений весны" фильминден ава, — деди журналистлерге Кузнецов Коктебельде Koktebel Jazz Party фестивалининъ ачылувына багъышлангъан матбуат-конференцияда.
К.И.М.М квартетнинъ теркибинде джума куню акъшам Коктебельде Алексей Кузнецов (гитара), Александр Миронов (рояль), Игорь Игнатов (урув алетлери) ве Владимир Кольцов-Крутов (контрабас) чыкъышта булунаджакълар.